Pas mbylljes së kopshteve dhe çerdheve për një periudhë rreth 3 mujore si pasojë e pandemisë së covid19, Ministria e Shëndetësisë ka njoftuar se institucionet parshkollore do të hapen javën e ardhshme më 1 qershor. Regullorja e cila është shpërndarë në të gjitha kopshtet dhe çerdhet, sqaron masat që duhet të marrin këto institucione për të mbrojtur fëmijët nga koronavirusi që ende vijon të jetë aktiv.
Protokolli parashikon shoqërimin e fëmijëve në kopshte dhe në çerdhe nga prindërit në një orar të përcaktuar nga institucioni, për të shmangur radhët dhe grumbullimet. Prindërve u kërkohet të jenë të përpiktë me këtë orar, si dhe me distancën 1.5 metra nga prindërit e tjerë. Fëmija do të pritet dhe shoqërohet nga një edukatore e cila bën matjen e temperaturës dhe dezinfektimin e duarve . Dera e insitucionit parashikon që rregullorja do të qëndrojë e mbyllur gjatë koheë që femijët janë brenda, ndërsa dritaret e sallave hapen herë pas here për të lejuar ajrosjen brenda tyre .Nëse fëmija shfaq temperaturë apo shenja të tjera të shëndetit jo të mirë njoftohet prindi që të marrë fëmijën nga ambjentet e kopështit .Protokolli parashikon që mjedisi ku kryhet ushqyerja duhet të dezinfektohet para dhe pas ngrënies së çdo grupi. Prindërit janë të detyruar të deklarojnë nëse kanë patur kontakt me persona të prekur nga covid 19 në familje apo në ambjentet e punës. U duhet të plotesojnë formularin e vetëdeklarimit për gjendjen shëndetësore të fëmijës dhe gjithashtu të konfirmojë në rrugë eklektronike te edukatorja këtë rregullore
