Zv.kryeministri Erion Braçe nuk do të jetë pjesë e Qeverisë Rama 3. Të pakët, kështu lë ai vetë të kuptohet, nga një postim i fundit në rrjetet sociale.
Duke postuar një video nga pasojat e tërmetit në Thumanë, në 2019, Braçe shkruan ndër rreshta “ka një fund”. Ky mesazh lë të kuptohet se ai nuk do të jetë më pjesë e kabinetit qeveritar. Ky vendim i papritur që bëhet vetë publik nga ai, vjen në të njëjtën ditë kur kryeministri Rama në një konferencë për mediat bëri bilancin e mandatit të dytë.
“Ka nje fund! I nderuar qe sherbeva per njerezit ne nevoje, ne ditet e tyre me te veshtira ne 24 vitet e fundit”, shkruan Erion Braçe dhe ndan videon e mëposhte. Vetë, Edi Rama sot tha se javën e ardhshme do të bëhen publik emrat e kabinetit të ri për mandatin e tretë, ku sigurisht do të ketë “lojtarë të rinj”. /newsboomb
