Një person që ushtronte aktivitet të paligjshëm në fushën e lojërave të fatit është shpallur në kërkim nga policia e Korçës.
Ndërkohë një 20-vjeçar me inicialet R. K është vënë në pranga.
Gjatë kontrollit të ushtruar nga policia në lokalin e 43-vjeçarit M.D, në lagjen nr. 8, Korçë, iu gjetën dhe sekuestruan në cilësinë e provës njësi kompjuterike dhe monitorë.
Këto pajisje dyshohet se shërbenin për lojra fati të palejuara. Nga verifikimet e kryera rezultoi se shtetasi R. K., kamarier në këtë lokal, nuk rezultonte i siguruar pranë organeve tatimore.
Materialet në ngarkim të tyre i kaluan Prokurorisë Pranë Gjykatës së Shkallës së Parë Korçë për veprat penale “Fshehja e të ardhurave”, “Organizimi ose ushtrimi i veprimtarive të lojërave të fatit në kundërshtim me ligjin” dhe “Punësimi i paligjshëm”.
