Renato Mekolli do të nxjerrë jashtë loje Arbana Osmanin?/ Zbulohet shkaku pse moderatorja braktisi emisionin

Lajmi për largimin e Arbana Osmanit nga emisioni “ Dua të të bëjë të lumtur” po qarkullon prej ditësh në mediat tona. Vetë moderatorja nuk ka bërë asnjë reagim për këtë pjesë, por ia besoi mikeshës së saj Xhemi Shehu që të komentonte largimin me humor, përmes një fotoje me makarona të publikuar në Instagram, ku shkruante: “I fut një dorë makarona kur është robi pa punë”.

Pra indirekt lajmi u mohua më pas,por e pati një të vërtetë brenda, faktin që Arbana u largua për t’u rikthyer sërish në televizion pas dy ditësh negociata pasi u përmbushën kushtet e saj.

U tha se arsyeja e debatit ishte kërkesa e saj për një vlerësim më të lartë monetar, por është zbuluar një tjetër arsye për pakënaqësitë që ka pasur Arbana në ambientet e televizionit.

Sipas burimeve për “iconstyle.al”, arsyeja e largimit të moderatores nga televizioni lidhet me Renato Mekollin dhe emisionin e tij të gatimit. 

Gjysmën e sezonit të “Dua të të bëj të lumtur”, studion e Arbanës do ta shfrytëzojë Renato për emisionin e ri të gatimit të fëmijëve. Me sa duket, Arbana nuk ka qenë dakord që të shfrytëzohej studioja e saj ndaj dhe ka negociuar me drejtuesit e televizionit.