Operatori i Sistemit të Shpërndarjes së Energjisë Elektrike do të investojë 10 milionë euro në ndërtimin e një nënstacion elektrik dhe një rrjeti të ri shpërndarjeje për zonën e Gjirit të Lalzit.
Kryeministri Rama u shpreh se rritja turistike e zonës, ku vetëm para pak ditësh u firmos një kontratë për dy hotele me 5 yje, e bënte të domosdoshme një investim të tillë.
Drejtori i Operatorit të Shpërndarjes, Adrian Çela, u shpreh se, ndërkohë, OSHEE ka nisur fazën e dytë të investimit, për pajisjen me kabina dhe rrjet të ri për mbulimin e gjithë zonës bregdetare të Gjirit të Lalzit. Ai tha se për sezonin turistik kjo zonë nuk do të ketë probleme me energjinë elektrike.
Kryeministri Rama vizitoi të shtunën edhe një një lavanderi industriale në autostradën Tiranë-Durrës. Sipërmarrja është një investim shqiptaro-italian q ëka nisur punën prej vitit 2013 dhe që ofron shërbime kryesisht për hotelet dhe strukturat e lidhura me turizmin.