Pesë persona u arrestuan nga Policia e Tiranës për shpërndarje të drogërave të forta në kryeqytet në sajë klientele. Sipas policisë një grup të rinj, mes të cilëve edhe një vajzë 28-vjeçare nga Laçi, sillnin kokainë nga Laçi dhe e shisnin në Tiranë.
Në finalizim të operacionit të koduar “Stafeta”, dyshohet se GJ.D 36 vjeç nga Laçi në bashkëpunim me 4 të arrestuarit e tjerë tregtonin dhe shisnin në kryeqytet me porosi klientele kokainë të cilin e sillnin nga qyteti i Laçit.
Ata janë konstatuar nga shërbimet e policisë duke qarkulluar me dy automjete në rrugën e “Valiasit” në Kamëz dhe janë ndaluar për kontroll. Gjatë kontrollit të ushtruar, policia gjeti në njërin automjet një qese me 249.2 kokainë.
Të arrestuarit
– Gj. D., 36 vjeç, banues në Laç;
– M. P., 44 vjeç, banues në Mamurras;
– A. L., 25 vjeç, banues në Fushë Kuqe/Patok;
– A. N.,23 vjeç, banues në Fushë Kuqe/Patok;
– E. D., 28 vjeçe, banuese në Laç.
Po gjatë ditës së djeshme, forcat Shqiponja në një tjetër aksion, arrestuan 22-vjeçarin me inicialet Xh. N, banues në Laç
Në rrugën për në “Rinas” ai u ndalua për kontroll automjeti ku ju gjet në kroskot 37.7 kanabis
Pasagjeri D. N., 27 vjeç u u procedua në gjendje të lirë për “Moskallëzim krimi”.
