Detaje të reja zbulohen nga operacioni “Laboratori”, ku u sekuestruan 1800 gram heroinë dhe 200 gram kokaine.
Koka e grupit ishte 30-vjeçari Florian Nurja i cili njihet me pseudonimin “Loli i verës”.
Ai bashkëpunonte me 27-vjeçarin Arin Pieraldo Pelushi i njohur ndryshe me pseudonimin ‘Pipo’. Te dy kishin përshtatur një apartament në ‘rrugën e Kavajës’, ku përpunonin lëndën narkotike dhe e ndanin në doza më të vogla dhe më pas ua shpërndanin shpërndarësve të dorës së dytë në Tiranë.
Policia në bazë të informacioneve i gjurmoi dhe i ndaloi në rrugë duke udhëtuar me një automjet brenda të cilit u gjeten 4 peshore elektronike. Pas kontrollit të banesave u zbulua dhe lënda narkotike.
