Ditën e djeshme Shpat Kasapi ka qenë i ftuar në “Rudina” dhe shoqërohej nga nëna e tij, e cila është një figurë e njohur e politikës në Maqedoni, deputetja Gjylymser Kasapi.
Ata kanë folur për raportin dhe lidhjen e ngushtë që kanë me njëri-tjetrin, dhe e ëma rrëfeu pengun më të madh që ka për të birin: “Unë do doja që Shpati të më dëgjonte mua dhe të martohej. Meqenëse jam edhe specialiste e familjes, konsideroj se edhe krijimi i saj ka një moshë të caktuar, qoftë për femrën, qoftë për mashkullin. Nëna pret që ta martojë dhe të krijojë familjen e tij dhe unë të vazhdoj me punët e mia”,– tha Gjylymser.
Sa herë i biri rri netëve të vona nëpër club-e e diskoteka, e ëma e kritikon: “Kur dal natën ndonjëherë diskotekave dhe rri me të rinj: “O mami, po pse nuk rri në shtëpi, pse nuk shkon në fakultet? Femrat e mira, vajzat e mira, i gjen në fakultet, nuk i gjen në diskotekë… Prandaj ti nuk gjen një vajzë të mirë”, – këngëtari citonte fjalët e nënës së tij.
