Rezultati i autopsisë, i kryer në institutin e mjekësisë ligjore, ka dëshmuar se Admir Murataj është vrarë me një plumb i cili e ka prekur atë në pjesën e kokës në ballë.
Autopsia i është dorëzuar grupit hetimor ende pa përcaktuar llojin e armës që i ka marrë jetën kjo për shkak se në trupin e të ndjerit nuk është gjetur predhë.
Ajo ka lënë shenjën hyrëse në pjesën e ballit dhe ka dalë pas koke duke i shkaktuar atij dëmtime të mëdha dhe humbjen e jetës. Murataj mbeti i vrarë gjatë shkëmbimit të zjarrit me policinë në momentin që do të digjte fugonin me të cilin u bë grabitja në aeroportin Rinasit.
Ditën e djeshme Murataj u përcoll për në banesën e fundit me ceremoninë mortore të mbajtur në Tropojë
