Janë publikuar detaje të reja për koncertin e Malumës në Shqipëri.
Maluma, këngëtari me famë botërore dhe shumë i dashur për publikun, do të vijë për herë të parë në Shqipëri.
Ai do të mbajë një koncert madhështor me datë 14 Mars në Sheshin Nënë Tereza.
Data që do të lumturojë numrin e madh të fansave të këngëtarin po afron.
Kanë mbetur dhe 10 ditë dhe organizatorët e koncertit kanë zbuluar për “Anabel.al” detaje të reja. Koncerti do të ketë përmasat e koncerteve botërore dhe Maluma do këndojë për gati një orë e gjysmë.
Po ashtu organizatorët kanë zbuluar se në koncertin e madh që do të mbahet festën e Ditës së Verës, do të këndojnë dhe këngëtarë shqiptarë, pa përmendur emra.
“Për herë të parë, Tirana është bërë pjesë e hartës botërore të një artisti në tur dhe eksperienca të tilla tregojnë që show do të jetë identik në të gjitha vendet e botës ku mbahet koncerti. I gjithë koncerti është një suprizë e madhe me çfarë jemi mësuar të shohim në produksionet vendase,” kanë treguar organizatorët.
