Balerini Graciano Tagani, i ftuar këtë të premte në emisionin “Rudina” në Tv Klan, sqaroi deklaratat e bujshme të kohëve të fundit, lidhur me përdorimin e substancave të ndaluara në klubet e natës.
Më herët, balerini ishte shprehur gjatë një interviste se tashmë thuajse çdokush përdor lëndë narkotike kur del për jetë nate, përfshirë edhe veten e tij herë pas here. Deklarata e tij është keqinterpretuar nga mediat dhe Rudina e pyeti Gracianon për faktin se ishte shprehur se “VIP-at shqiptarë përdorin lëndë narkotike në Bllok.”
Pjesë nga intervista:
Rudina: Graciano duam të ndalojmë tek disa deklarata që ti ke bërë. Dua të sjell tani titujt në portale, të cilat t’u dedikuan sepse provokove shumë me atë që the dhe dua ti lexoj tani: “Graciano Tagani u nxjerr të palarat VIP-ave shqiptarë: Përveç kokainës, çfarë nuk pinë tjetër në Bllok”. Pra ke bërë disa deklarata të forta. I ke bërë fillimisht në një program në “Ora News” dhe më pas lajmi u shpërnda në të gjithë portalet.
Graciano: Ideja është që unë nuk e kam thënë fare në atë kontekst, sepse portalet tona të famshme dihet se si i transformojnë gjërat. Unë kam thënë, që ka qenë mënyrë shakaje, që të gjithë pinë substanca të ndryshme.
Rudina: Po si mund të thuhet me shaka që të gjithë pinë substanca të ndryshme?
Graciano: Puna e shakasë, kur unë e thashë nuk akuzova as VIP-at asnjë njeri, ideja ishte që kur del në clube, konsumon për veten tënde, thashë ti e ke marrë vesh se nuk konsumohet gjë, në mënyrë shakaje, nuk akuzova njeri dhe as nuk e kisha personalisht me njeri. Tani dihet, njerëzit kur dalin pinë, dëfrehen, është jeta e tyre, të bëjnë ca të duan, në këtë kontekst e kisha.
