“Urban News” është një platformë e pavarur mediatike, e cila synon t’i përcjellë publikut lajmet, ndodhitë kryesore dhe ngjarjet më të rëndësishme në vend.
Dy ditë më parë, “Urban News” publikoi në rrjetet sociale (Instagram & Facebook) një video që rikthen në kujtesë ngjarjet më të dhunshme të politikës shqiptare.
Në vetëm dy ditë, video ka arritur mbi 1,2 milionë shikime në instagram dhe mbi 120 mijë të tilla në “Facebook”.
1996 – Në protestat e organizuara pas vjedhjes së votës së majit, qeveria në pushtet rreh barbarisht 30 deputetë dhe dhjetëra protestues të tjerë.
1997 – Kolapsi i firmave piramidale fyt vendin në anarki të plotë. Mbi 1 500 të vdekur, mijëra të gjymtuar e plagosur, dhjetëra mijëra të pastrehë.
1998 – Një grusht shteti i organizuar nga PD në opozitë shkakton të paktën 2 të vdekur dhe 400 të plagosur. Tanqet, autoblindat dhe mitralozët e rëndë parakalojnë në Tiranë, duke krijuar një klimë terrori për dy ditë.
2011 – Në një protestë të opozitës, Garda e Republikës hap zjarr ndaj turmës, duke vrarë në vend 4 protestues paqësorë. Hetimi i FBI tregoi një përfshirje direkte të qeverisë së kohës, si dhe fshirjen e menjëhershme të serverit të filmimeve që do të kishin zbardhur sekuencën e ngjarjeve.
2019 – Bomba molotovë, gurë, sende të forta qëllohen në mënyrë të përjavshme ndaj Policisë së Shtetit, institucioneve dhe kalimtarëve të rastit. Me dhjetëra të plagosur në secilën prej protestave të organizuara nga PD.
