Ditën e sotme është është konfirmuar në detyrë zëvendës prokurori i Përgjithshëm, Thoma Jano nga Komisioni i Pavarur i Kualifikimit.
Jano u përball me komisionin e vetingut në datë 13 shkurt, dhe si rezultat i mos konstatimit të asnjë shkeljeje në të tria shtyllat e vlerësimit, si pasuria, aftësitë profesionale dhe pastërtia e figurës, u konfirmua sot në pozicionin e ri.
Prej vitit 2004, Thoma Jano ka punuar në Prokurorinë e Përgjithshme dhe në dhjetor 2019 u zgjodh në postin e zëvendës Prokurorit të Përgjithshëm nga kryeprokurori i ri Olsian Çela.
