Kryebashkiaku i Tiranës, Erion Veliaj ka zhvilluar një takim me banorët e njësisë nr.2. ku është ndalur për të prezantuar punët e tij në krye të Bashkisë, përgjatë këtyre katër viteve.
Kryebashkiaku i Tiranës, Erion Veliaj ka zhvilluar një takim me banorët e njësisë nr.2. ku është ndalur për të bërë një rezyme të punëve të tij në krye të Bashkisë, përgjatë këtyre katër viteve. Në fjalën e tij, hyrëse nuk ka ka kursyer mesazhet për opozitën, e cila ka vendosur që të bojkotojë zgjedhjet e 30 qershorit. Veliaj tha se një vendim i tillë i opozitës ka ardhur pasi ka frikë nga zgjedhjet, teksa theksoi se “nuk kishte asnjë shans që të fitonte në Tiranë”.
“Opozita nuk ka asnjë shans të fitojë në Tiranë. Ndryshe nga ta, ne nuk i gjuajmë me vezë dhe as me bojë kundërshtarët, sepse nuk i konsiderojmë armiq”, tha Veliaj.
Nga shkolla “Kosova” në të cilën ka studiuar kryebashkiaku Veliaj, ai ka prezantuar edhe kandidatët për Këshillin Bashkiak, me në krye Klodeta Dibrën, volejbollisten e njohur, apo Sonila Qaton, Drejtoresha e ARRSH. Ai tha se ky grup nuk është një “kompozim qokash”.
