Top Channel raportoi më herët sot, se janë konfirmuar 44 raste pozitive, nga të cilat: 21 Tirana, 4 Kamëz, 1 Gjirokastër, 1 Vlorë, 6 Kruja, 4 Shkodra, 2 Lushnja, 1 Elbasani, 4 Durrësi.
Ajo që vihet re është se përveç Durrësit dhe Shkodrës, që janë vatra më vete, rastet e konfirmuara në qytetet e tjera rezultojnë se e kanë marrë virusin në kryeqytet.
Për rastin në Elbasan mësohet se është një 73-vjeçare e cila dyshohet se është infektuar në Tiranë pasi ka marrë pjesë në varrimin e të ëmës.
Po ashtu për dy qytetarët nga Divjaka, kanë dalë pozitiv pasi kanë dalë nga spitali në Tiranë.
Për rastin e parë në Gjirokastër Top Channel raporton se 68 vjeçari ështe i shtruar prej 22 ditësh në Tiranë, ndërkohë që do të merret tamponi për 3 familjarë të tij.
Ndërsa për rastin e parë në Vlorë mësohet se ai është një 40 vjeçar po nga qyteti i Vlorës, i cili punonte bojaxhi në Himarë.
