Një studim i kryer nga një universitet gjerman, ka arritur në përfundmin se rastet e diagnostikuara me koronavirus, përbëjnë vetëm 6% të rasteve të përgjithshme në botë.Numri i vërtetë i të infektuarve globalisht mund të ketë arritur tashmë dhjetëra miliona njerëz.
Sipas këtij studimi: numri i përgjithshëm i të infektuarve nga koronavirusi ka të ngjarë të jetë në mënyrë drastike më i lartë se shifrat e publikuara zyrtarisht nga autoritetet shëndetësore në të gjithë botën.
Christian Bommer dhe Sebastian Vollmer nga Universiteti Göttingen në Gjermani qendrore analizuan të dhënat nga një studim i fundit i botuar në revistën mujore The Lancet Infectious Diseases.
“Këto rezultate nënkuptojnë që qeveritë dhe politikë-bërësit duhet të bëjnë kujdes ekstrem kur interpretojnë numrat e çështjeve për qëllime planifikimi,” tha Vollmer, një profesor i Ekonomisë së Zhvillimit në universitet.
“Dallime të tilla ekstreme në sasinë dhe cilësinë e provave të kryera në vende të ndryshme do të thotë që regjistrimet zyrtare të çështjeve janë kryesisht jofinitive dhe nuk japin informacion të dobishëm,” tha ai.
‘Dhjetra miliona’
Bommer dhe Vollmer vlerësuan se më 31 mars 2020, Gjermania ka të ngjarë të ketë patur 460,000 të infektuar. Bazuar në të njëjtën metodë, ata llogaritën se në SH.B.A. ndoshta ka më shumë se 10 milion, Spanjë më shumë se 5 milion, Itali rreth 3 milion dhe në Mbretërinë e Bashkuar rreth 2 milion të infektuar me koronavirus.
Në të njëjtën ditë, Universiteti Johns Hopkins po raportonte rreth 900,000 raste të diagnostikuara dhe të konfirmuara zyrtarisht në të gjithë botën.
“Ndërsa të dhënat e Johns Hopkins raportojnë më pak se një milion raste të konfirmuara globalisht në momentin kur është shkruar kjo korrespodencë, ne vlerësojmë se numri i i të infektuarve është disa dhjetëra miliona”, thuhet në studim.
Sipas autorëve, testimi i papërshtatshëm dhe i vonuar mund të jetë arsyeja pse disa vende evropiane, përfshirë Italinë dhe Spanjën, po përjetojnë shkallë shumë më të larta të viktimave (në krahasim me rastet e konfirmuara) sesa Gjermania.
Ata vlerësojnë se Gjermania ka identifikuar rreth 15.6% të të gjitha rasteve të saj, krahasuar me vetëm 3.5% në Itali ose 1.7% në Spanjë. Shkalla e zbulimit mendohej të ishte edhe më e ulët në SH.B.A. (1.6%) dhe në Mbretërinë e Bashkuar (1.2%).
‘Vetëm çështje kohe’
Studiuesit kërkuan përmirësime të mëdha në aftësinë e vendeve për të zbuluar infeksione të reja dhe më pas të miratojnë masa për izolimin e pacientëve të infektuar dhe gjurmimin e personave që kanë pasur kontakte me këta pacientë.
Nëse vendet nuk arrijnë ta bëjnë këtë, “virusi mund të mbetet përsëri i pazbuluar për një periudhë të zgjatur kohe dhe një shpërthim i ri ka të ngjarë të ndodhë sërish, do të jetë vetëm çështje kohe”, paralajmëruan studiuesit.
Burimi: DW
