Avokati i ish-ministrit të brendshëm, Saimir Tahiri, i dënuar tashmë me 3.4 vite burg, është pyetur nga moderatori Blendi Fefziu në “Opinion” se si u gjet patenta e Tahirit në një skaf në Malin e Zi.
Maks Haxhija ka dhënë versionin e tij në lidhje me këtë ngjarje të ndodhur vite më parë, ku thotë se ish-ministri nuk e përdorte patentën dhe e kishte lënë në skaf, i cili ishte parkuar në fqinjon tonë verior.
Klodiana Lala: Habilaj është personi i cili ka marrë skafin e dëmtuar, pra skafin që pësoi defekt në det në vitin 2014 në Greqi dhe është dërguar për riparim në Itali. A shpjegon kjo një lidhje të Tahirit me Habilajt e para dhe e dyta, në Mal të Zi flitet për një jaht që kushton një shumë të konsiderueshme, kapiten i të cilit rezulton Tahiri. A keni ju një shpjegim për këto?
Blendi Fevziu: Pse punonte dhe kapiten Tahiri?
Klodiana Lala: Kështu rezulton, pavarësisht se autoritetet malazeze kanë thënë në letër-porosi se…
Maks Haxhija: Jo, nuk është ashtu.
Klodiana Lala: Prandaj po ju pyes Zoti Haxhija për të bërë transparencë për këtë çështje dhe unë ndaj e konsiderova dështim sepse në kundvështrimin tim ka, o trafikantë ose në shtëpi, për mua nuk është shpërdorim detyre aty.
Maks Haxhija: Ju po i referoheni prokurorisë. Lidhur me skafin në Mal të Zi ka qenë skafi i një shtetasi shqiptar, në të cilin është gjetur dhe patenta e Zotit Tahiri sepse Tahiri ka edhe patentë siç mund të kesh për skafe, për aeroplane për kështu.
Klodiana Lala: A nuk është kjo një lidhje e papërshtashme e një ministri të brendshëm?
Maks Haxhija: Po më flet në aspektin penal apo moral? Nëse përgjigjem në aspektin penal, nuk është vepër penale.
Blendi Fevizu: Si u gjet patenta e Saimir Tahirit në një skaf në Mal të Zi?
Maks Haxhija: Skafi është shqiptar. Atje parkohen. Të gjitha skafet shqiptare i ke të ankoruara atje.
Blendi Fevziu: Pse nuk e mbante me vehte patentën Saimir Tahiri, e kishte lënë në skaf?
Maks Haxhija: Po, nuk e përdorte.
