Kryetari i Grupit Parlamentar të Partisë Socialiste Taulant Balla jep lajmin e mirë lidhur me shqiptarët, të cilët kishim mbetur të bllokuar prej 24 orësh në kufirin Bosnje-Mal i Zi.
Përmes një postimi në rrjetin social facebool numri dy i PS-së, Taulant Balla deklaron se falë koordinimit të autoriteteve shqiptare me ato malazeze, Policia fqinje do ti shoqërojë katër automjetet deri në pikën e kalimit kufitar në Han të Hotit, duke mundësuar rikthimin e tyre në vendlindje.
Shqiptarët qendruan të bllokuar për 24 orë në pikën kufitare të Trebinjes në Bosnje, pasi Mali i Zi i refuzoi teksa të njëjtën gjë bëri dhe Bosnje Hercegovina më pas.
Poatimi i Plotë i Taulant Ballës:
Lidhur me shqetësimin e drejtë të 11 shtetasve shqiptarë të bllokuar në pikën e kalimit kufitar mes Bosnje Herzegovinës dhe Malit të Zi (Trebinje), pas kontakteve me qeverinë e Malit të Zi dhe koordinimit mes policive të shteteve tona, është mundësuar eskortimi i katër automjeteve përmes territorit malazez.
Policia e Malit të Zi do t’i shoqërojë deri në pikën e kalimit kufitar të Hanit të Hotit.
Është e domosdoshme që në kushtet e mbylljes së kufinjve tokësorë në shumë vende duhet që të gjithë të mbahen të informuar.
