Shtetet e Bashkuara të Amerikës mbështesin Shqipërinë në forcimin e sundimit të ligjit.
Me mbështetjen e Zyrës për Çështjet Ndërkombëtare të Zbatimit të Ligjit dhe Luftës ndaj Drogës e Ambasadës së Shteteve të Bashkuara, shtatë prej oficereve më të mira të policisë shqiptare marrin pjesë në konferencën Gratë në Polici në Tbilisi të Gjeorgjisë ku zhvillohen diskutime dhe aktivitete mbi udhëheqjen, çështjet kufitare dhe të migrimit, taktikat e mbrojtjes, hetimet e skenave të krimit dhe strategjitë e komunikimit.1 nga 7
Ambasada e Shteteve të Bashkuara të Amerikës në Shqipëri, thekson se, “shtatë prej oficereve më të mira shqiptare të policisë janë në Tbilisi, Gjeorgji, duke marrë pjesë në konferencën Gratë në Polici. Përgjatë katër ditëve në vijim, oficeret do të marrin pjesë në diskutime dhe aktivitete mbi udhëheqjen, çështjet kufitare dhe të migrimit, taktikat e mbrojtjes, hetimet e skenave të krimit dhe strategjitë e komunikimit”.
“Zyra për Çështjet Ndërkombëtare të Zbatimit të Ligjit dhe Luftës ndaj Drogës e Ambasadës së Shteteve të Bashkuara është krenare që mbështet këtë delegacion si pjesë e përpjekjeve tona për të ndihmuar Shqipërinë në forcimin e sundimit të ligjit”, thekson ambasada.
/gj.mima/
