Këngëtarja shqiptare, me famë botërore, Dua Lipa ka uruar pavarësinë e Kosovës teksa ka ndarë në llogarinë e saj në Instagram një foto të sajën të animuar, me flamurin në sfond. Krahas postimit, Dua tregon se ende i vijnë në kujtesë emocionet e bukura të momentit të shpalljes së pavarësisë, të cilën e ndiqte live në ekran në vitin 2008.
“Gëzuar ditën e Pavarësisë Kosovë! 13 vite! S’do ta harroj kurrë momentin kur e ndiqja live në TV, teksa jetoja në Prishtinë. Emocione, emocione, emocione, energjia e qytetit! E paharrueshme! Krenare të shoh deri ku ke arritur dhe sa shumë do të arrish!”- janë fjalët e saj.
