Kryeministri Edi Rama ishte i pranishëm në takimin vjetor të Bankës Europiane për Rindërtim dhe Zhvillim në Sarajevë, me fokus të veçantë Ballkanin dhe investimet në rajonin tonë.
Kryeministri Edi Rama ishte i pranishëm në takimin vjetor të Bankës Europiane për Rindërtim dhe Zhvillim në Sarajevë, me fokus të veçantë Ballkanin dhe investimet në rajonin tonë. Në panelin e liderëve, Kryeministri Rama iu përgjigj disa pyetjeve që kishin të bënin me klimën e biznesit në vendet e Ballkanit Perëndimor, si edhe mundësitë për të nxitur edhe më shumë investimet e huaja si rezultat i proceseve integruese.
Prononcimi i kryeministrit Edi Rama
Mendoj se nuk duhet të presim të bëhemi pjesë e Bashkimit Europian, për të pasur modelin tone të zonës Shengen. Nuk më bën sens që jemi kaq mbrapa në komunikim, veprime dhe liri në një hapësirë ku duhet të marrim pjesë, për të pasur një treg më të madh, për të pasur më shumë hapësira e mundësi. BE-ja po bëhet gjithmonë e më shumë si Ballkani, në sensin që është gjithnjë e më pak e parashikueshme.
Pra, në këtë mjedis, do i thoja të gjithë njerëzve të pranishëm këtu, që kanë ardhur në Sarajevë për biznes dhe që i përkasin komunitetit të biznesit, ndër mjediset e ndryshme të paparashikueshme, ne jemi më i miri, sepse kemi taksa më të ulëta dhe kemi kosto më të ulët pune. Të investosh në Ballkan tani, në çdo vend të Ballkanit është vendim i mirë. Po lajmi i mire në tërë këtë proces është që njerëzit nga komuniteti i biznesit nuk po përballen me të njëjtat probleme dhe vështirësi që ne po shohim në nivel politik, për të rënë dakord, pavarësisht ideve të kundërta, kur flasim për krijimin e kësaj zone ekonomike, tregut të përbashkët.
Pra, mund të them që ajo që po ndodh me biznesin tregon qartë sa e rëndësishme është të bashkohemi si rajon dhe të sillemi si një entitet. Ndërkohë që BE-ja po mundohet të zgjidhë problemet e brendshme dhe të reformohet e të përmirësohet, pasi të ketë kaluar më të keqen, ne duhet të thellojmë reformat tona, jo vetëm në secilin vend, por edhe për rajonin, që është e vështirë dhe jo për të komplimentuar mikpritësin, por BERZH ka qënë shumë mbështetës dhe ne e shohim atë si një nga burimet që na mësojnë si të kapërcejmë vështirësitë kur flasim për krijimin e modeleve të suksesshme dhe ngritjen e urave lidhëse.”
Në përfundim të panelit, duke iu përgjigjur interesit të medias, Kryeministri nënvizoi:
Është një moment shumë rëndësishëm i vitit për ne, ky takim vjetor me BERZH-in. I jam shumë mirënjohës mikpritësve për këtë organizim fantastik. Në të njëjtën kohë, siç po e ndiqni, ne jemi shumë të ndërgjegjshëm për çfarë duhet bërë sa i përket bashkëpunimit rajonal, tregtisë së lire dhe tregut të përbashkët rajonal. Është më e thjeshtë ta thuash se ta bësh. Po jetojmë në një kohë interesante, ka probleme për t’u përballur, por ka edhe shumë mundësi.
Pyetje: Ç’mendoni për protestat në Tiranë dhe mosardhjen e Vuçiç dhe Daçiç?
Ka shumë më tepër çështje në Britani sesa ne Ballkan, kështu që mos u shqetësoni, nuk jemi vetëm.
