Real Madrid as që ka ndërmend të heq dorë nga Paul Pogba. Plani i presidenti Florentino Perez nuk njeh limite, dëshira e tij për të freskuar skuadrën është shume e madhe, mbi të gjitha e domosdoshme nëse dëshirojnë të qëndrojnë konkurrues në europë. Pas Eden Hazard, me belgun që është një çështje e mbyllur, pritet vetëm zyrtarzimi, mesfushës së Realit pritet ti shtohet një tjetër yll nga Premier League.
Pogba nuk është një emër i panjohur në Madrid, një dëshirë e vjetër e presidentit Perez, mbi të gjithë një dëshirë e madhe e trajnerit Zinedine Zidane. As Pogba nuk e ka fshehur kurrë dëshirën për të qenë nën urdhrat e Zidane, për t’ia arritur këtij qëllimi, Reali është i gatshëm të sakrifikoj jo pak por tre lojtarë.
Sipas “Times”: Perez është i gatshëm ti ofroj Man.United, Bale, Keylor Navas dhe James Rodrigues, tre lojtarë për të lënë të lirë Pogba. “Djajtë e kuq” e vlerësojnë kartonin e Pogba me 150 milion euro, shifër të cilin Reali kërkon ta plotësojë duke i vënë në tavolinë tre futbollistë.
