Pamje të reja nga banesat e të dëmtuarve në Korcë

Pamje të tjera nga banesat që janë dëmtuar nga tërmeti në fshatin Qafë Zezë, ndërsa një pjesë e banorëve thonë se nuk kanë marrë asnjë ndihmë nga shteti.”Erdhën dhe panë dëmet. Brenda lokalit, kati i parë është duke u rrëzuar, nuk bëhet më. Dje natën e kaluam në çadër dhe nuk kemi fjetur fare. Këtu janë 5 çadra, por kanë lënë edhe të tjera. Ndihma ushqimore nuk kanë ardhur. Ka ardhur bashkia dhe Emergjenca, tani jemi në pritje. Na thanë që do të vijnë të tjerë që të çmohet dëmi dhe pastaj do të shohim” tha një nga banoret. Report Tv sjell pamjet ku duken muret e banesave të çara, tavani ka rënë, ndërsa janë dëmtuar edhe orenditë. Një pjesë e banorëve e kanë kaluar natën në çadra.