Kryeministri Edi Rama ishte sot në Thumanë, në familjen e Sokol Mesitit, përfitues i bonusit të qirasë akomoduar në banesë të përkohshme deri në përfundim të shtëpisë së rindërtuar në zonën e re për zhvillim.
Në Bashkinë Krujë janë 1503 familje që kanë përfituar bonusin e qirasë, nga të cilat vetëm në Thumanë kanë përfituar 457 familje.
Kryeministri Rama tha se “do të fillojmë të bëjmë takime me komunitetin e dëmtuar që të tregojmë projektet, të flasim për procesin dhe të japim një qartësi se si do të vazhdoj procesi dhe kur do të ndërtohen”.
“Kemi bërë maksimumin për të bërë sa më shpejt shumë gjëra të mira bashkë. Javën e ardhshme fillojmë me garën ndërkombëtare dhe pastaj besoj që Thumana do të jetë model. Ndeshje të tilla si rindërtimi s’i kam problem unë, ca t’i bësh ndeshjeve që nuk kanë as rregulla, as arbitër”, tha Rama.
Kryeministri siguroi familjarët se do të bëj çmos për t’i futur në banesat e tyre, ndërsa tha se “duhet kurajo se çfarë nuk të vret të forcon”.
