Gazetari i njohur Mero Baze ka ironizuar kryedemokratin Basha pas fotove që ky i fundit ka publikuar në rrjete sociale. Jo vetëm Baze, por masivisht në rrjet ka “plasur gallata” dhe MEMET lidhur me faktin se Basha vizitoi sot Baba Mondin duke uruar për fat dhe begati për të gjithë shqiptarët, në kuadër të festës së Fitër Bajramit.
Gazetari Baze thotë se përmes një shënimi në Facebook, se Basha ka ngatërruar festën e Sulltan Novruzit që është festa e bektashinjve me atë të Fitër Bajramit, megjithëse kjo e fundit i bashkon të gjithë myslimanët, pavarësisht sekteve.
Sot besimtarët myslimanë kanë festuar Fitër Bajramin. Pas një muaji të gjatë dhe të vështirë me sakrifica, lutje dhe dashuri, pas muajit të shenjtë të Ramazanit të gjithë myslimanët sot falën Fitër Bajramin, duke u lutur për më shumë shëndet, paqe dhe mirësi.
