Presidenti serb Aleksander Vuçiç u takua pak më parë me zv.ndihmës Sekretarin e Shtetit për Ballkanin Matthew Palmer fillimisht kokë më kokë dhe më pas në takime me delegacionet përkatëse, raporton newsbomb.al.
Pas bisedimeve, në konferencë për shtyp, presidenti serb Vuçiç tha se besonte se do të krijoheshin kushtet për vazhdimin e dialogut me Prishtinën Brenda dy tre muajve, ndërsa Palmer tha se BE kishte bërë gabim historik në Ballkan dhe shpreson që ky gabim të korrigjohej deri në maj të vitit të ardhshëm kur pritet takimi i radhës i liderve evropianë në Bruksel.
“Sot patëm mundësinë për të diskutuar situatën politike në të gjithë rajonin, dhe kjo është jashtëzakonisht e rëndësishme veçanërisht pas vendimit të BE për të ndaluar negociatat me Maqedoninë Veriore dhe Shqipërinë. Ne patëm mundësinë për të diskutuar edhe për statusin e Serbisë dhe pranimin e saj në Bashkimin Evropian. Amerika beson se Ballkani Perëndimor ka një perspektivë evropiane dhe është një gabim që BE-ja ka ngritur disa çështje për anëtarësimin në Union” – tha shkurtimisht Matthew Palmer, raporton newsbomb.al.
Për presidentin serb, bisedimet ishin të hapura dhe të sinqerta. “jam i kënaqur me përmbajtjen” deklaroi pas takimit Presidenti serb Vuçiç. Ai I bëri thirrje presidentit amerikan të vizitojë Serbinë cka do të ishte një impuls për marrëdhënie më të mira.
Presidenti serb pranoi publikisht se Palmer nuk e mbështet qasjen e Serbisë ndaj çështjes së Kosovës.
“Serbia është e gatshme për kompromis por nuk mund të shkatërrojë dhe të zhvlerësojë njerëzit e vet. Asnjëhere nuk kemi parashtruar kërkesa radikale që askush nuk mund ti pranojë. Por ata që mendojnë se mund të na shkatërrojnë apo të na detyrojnë kundër interesave tona, nuk do tia dalin dot” tha Vuçiç, raporton newsbomb.al.
Sa I përket zgjedhjeve në Kosovë, Mettheë Palmer ka biseduar me presidentin Vuçiç edhe për bisedimet që ka pasur me Albin Kurtin në Prishtinë.
“Lista Serbe mori një shumicë të madhe dhe unë bisedova me Kurtin për këtë, tha Palmer, duke shtuar se lista serbe duhet të jetë në qeveri sepse mori një shumicë të madhe. “Lista serbe duhet të jetë në qeveri nëse dëshiron” tha Vuçiç duke përmendur kushtetutë të re në Prishtinë, që garanton të drejta edhe për serbët.
