Njihuni me Seldan Tabaku, studenti që kërkon të transformoj jetën studentore në UBT

VOTO Seldan Tabaku

Me anë të këtij shkrimi dua të shpreh kënaqësinë e të qënurit kandidat për përfaqësinë e studentëve në Senatit Akademik të Universitetit Bujqësor të Tiranës, si dhe përgjegjësinë e ndërmarrë për të forcuar më tej marrdhënien Senat Akademik-Student.
Për një kohë të gjatë Universitetet Publike, krahas profesionalizmit që mund të jetë në rritje, kanë treguar një mungesë bashkëpunimi dhe produktiviteti lidhur me bazën e funksionimit të tyre; Studentët.

Pikërisht kjo mungesë bashkëpunimi dhe produktiviteti kanë dhënë një shtysë të madhe për krijimin e disa mendimeve të përgjitshme; Besimi i humbur dhe Aktivizmi i Munguar.
Platforma ime do të konsistojë veçanërisht në këto dy pika:

përbesiminehumbur Për shumë prej nesh shpresa ka kohë që eshtë zbehur, por ama duhet të jemi koshientë që vetem ne mund t’a rikthejmë përsëri. Sado pak mund të duket, riorganizimi i vëndeve të studentëve në Senat Akademik nga 2 në 5 si një nga pikat e protestës Studentore, është një mundësi të cilën nëse kolegët e tjerë të zgjedhur, së bashkë me mua, do t’a shfrytëzojmë në mënyrën më bashkëpunuese të mundshme atëherë me plot bindje pas përfundimit të mandatit tonë 5 fakultetet e UBT-së së paku do të kenë të ndezur besimin e një bashkëpunimi studentor i cili do të shpie në një Aktivizëm entuiziasmues studentor.
#përaktivizminemunguar
Është për të ardhur keq, qe me të gjitha mundësite dhe kapacitetet që një Institucion i Lartë Arsimor ka si në arenën lokale e kombëtare ashtu dhe ndërkombëtare, të hasemi me një aktivizëm gati të shuar.
Duke u nisur nga eksperienca personale në programet Eramsus+, CrossBorder Cooperation, Regional Youth Cooperation Office, Western Balkan Funds, United Nations Development Programme in Albania si dhe në kontaktet e vazhdueshme me organizata rinore dhe studentore në Shqipëri e Ballkan, Gjermani, Turqi, Slloveni, Hungari e vende të tjera Europiane, kam besim se mund të jap një kontribut të plotë për ndjezen e aktivizmit studentor me anë të projekteve të përbashkëta, konferencave studentore, shkëmbimeve profesionale dhe organizimit të Forumeve Studentore në Universitetin Tonë.

Gjithashtu në një bashkëpunim të ngushtë me zyren për Marrdheniet me Jashtë pranë UBT, jam i sigurtë se mund të arrijmë të zbatojmë projekte studentore në fusha të ndryshme nën survejimin e ekspertëve dhe donatorëve kombëtarë e ndërkombëtarë.

Dukë ju falenderuar për kohën dhe vëmëndjen, dua të theksoj se çelësi i ecjes përpara qëndron tek nisja.

Prandaj është e rëndësishme që ti e të gjithë studentët e tjerë të votojnë, për një nisjë sa më shpresëdhënëse.