Zinxhiri i shpëtimit ka qenë një nga bisedat që banorët kanë diskutuar gjatë javës. Fitorja e Deas, tek loja me pyetje, krijoi diskutime brenda shtëpisë.
Edhe grupi i Oltës dhe ai i Luizit folën për çdo mundësi që Vëllai i Madh mund t’i ofronte Deas, një prej të cilave ishte edhe zinxhiri i shpëtimit. Por në fakt, nuk ishte zinxhir shpëtimi, por dërgimi i tre banorëve në nominim. Dhe Dea zgjodhi Efin, Luizin dhe Kiarën.
Në fakt kjo duket qartazi që është një strategji e produksionit kundër Luizit, pasi nuk po gjenin dot banorë të ri që të hynin në shtëpi dhe të prishnin lojën e tij. Dhe në këtë mënyrën “shfrytëzuan” Dean e cila dihej nga të gjithë që do zgjidhte këta 3 banorë. Po ku gaboi “Vëllai i Madh?”
Gabimi është që nuk duhej t’i jepte Deas këtë mundësi në dorë, sepse është diskutuar gjatë javës me gjithë banorët kë do nominonte ajo dhe gjasme sikur nuk është e lejuar të flasësh për nominim. Atëherë si është e mundur kur shkelet rregulli kryesor i formatit dhe produksioni me Arbanën heshtin?
