Ka ndërruar jetë pasditen e sotme edhe një person i prekur nga Cvid-19 në vendin tonë.
Sipas Ministrisë së Shëndetësisë viktima është një 65-vjeçar nga Tirana, i cili vuante gjithashtu nga diabeti dhe policitemia.
Njoftimi i plotë:
Ministria e Shëndetësisë: Ndërron jetë pacienti 65-vjeçar me COVID19, kishte sëmundje bashkëshoqëruese
Pas disa ditësh i shtruar në spital në spital, në terapi intensive, një 65 vjeçar nga Tirana ka humbur jetën, megjithë përpjekjet e mjekëve dhe mjekimin intensiv medikamentoz. 65-vjeçari i konfirmuar me Covid19 vuante nga Diabeti dhe Policitemia.
Ministria e Shëndetësisë i shpreh ngushëllime familjes së të ndjerit dhe u bën apel gjithë qytetarëve që të mos e ulin vigjilencën, por të zbatojnë rregullat e vendosura, si e vetmja mënyrë për të mbrojtur veten dhe të afërmit.
Nga fillimi i epidemisë, 46 qytetarë e kanë humbur betejën me COVID19.
