Adrola Dushi është vlerësuar me ‘Stemën e Artë të Bashkisë Mirditë’ duke u bërë gruaja e parë që merr këtë titull. “Për kontributin e vyer në fushën e rëndësishme të modelingut shqiptar duke i dhënë emër Shqipërisë në mbarë botën, si për bukurinë dhe për dinjitetin femëror. Që në fëmijërinë e saj, ajo ka spikatur në kontributet për kulturën e Mirditën dhe kudo ka marrë pjesë në eventet kombëtare apo ndërkombëtare si përfaqësuese e Shqipërisë, ku pjesë e rëndësishme e promocionit ka qenë dhe vendlindja, Mirdita.”-thuhet në dekoratë.
Lajmin e ka bërë me dije vetë modelja përmes një postimi në Instagram, ku ka ndarë disa fotografi nga momenti që ka marrë dekoratën. Modelja shkruan se ky ishte një vlerësim i papritur por gjithashtu dhe një përgjegjësi për të.
“Nuk gjej fjalë për të shprehur sa e përulur dhe e emocionuar ndihem. Është një nder dhe privilegj i jashtëzakonshëm që sot Mirdita ime më dhuron Stemën e Artë të Bashkisë Mirditë! Gjej rastin të shpreh mirënjohjen time të thellë për Kryetarin e Bashkisë Mirditë Z. Ndrec Dedaj që sot më nderon duke me renditur si gruan e parë mirditore që i jepet kjo stemë e artë me simbolet mirditore si dhe Gratë e Unionit Mirdita që propozuan emrin tim për këtë dekorim.
Ky dekorim vjen si një vlerësim i papritur dhe shumë i bukur për mua, por vjen dhe si një përgjegjësi për vendlindjen time. Me apo pa këtë dekoratë, angazhimi im për promovimin dhe nderimin kudo të vendlindjes time do jetë i pasosur. Faleminderit Mirdita ime. Zoti të bekoftë. Të dua“, shkruan modelja.https://www.instagram.com/p/CgyzWiIK-uM/embed/?cr=1&v=14&wp=1023&rd=http%3A%2F%2Fwww.panorama.com.al&rp=%2Fpanoramaplus%2Fnder-qe-jam-gruaja-e-pare-qe-i-jepet-kjo-steme-e-arte-adrola-dushi-vleresohet-nga-bashkia-e-mirdites%2F%3Ffbclid%3DIwAR1QfLtzM94HnTkjju04RsG72Py3JMVxA2NUWO-yU10kEVC79aMCmGzmRSM#%7B%22ci%22%3A0%2C%22os%22%3A1137%2C%22ls%22%3A935%2C%22le%22%3A1133%7D
