Tanimë, prerja e biletës on line, për të vizituar 10 site të trashëgimisë kulturore dhe muze në Shqipëri nuk është e pamundur. Pak ditë më parë në Ministrinë e Kulturës u përurua shërbimi i biletarisë on line, në prezencën e Minisres së Kulturës, Elva Margariti dhe kreu i bordit të Fondot Shqiptaro- Amerikan, Michael Granoff, që ka mundësuar vendosjen e ketij shërbimi. Ai u parapri nga sistemi i Biletarisë Elektronike, që funksionon në 10 site të trashëgimisë, aplikuar konkretisht në 5 muze, parqe kombëtarë arkeologjikë dhe kala, në rrethet Berat, Gjirokastër, Shkodër dhe Krujë.
Ky sistem ka krijuar mundësinë e ofrimit të një shërbimi cilësor vizitorëve, si dhe një menaxhim më të mirë të siteve të trashëgimisë ku ky sistem funksionon.
“Duke qenë kërkues ndaj vetes dhe duke pasur gjithmonë në fokusin e punës tonë përmirësimin e vazhdueshëm të shërbimeve që ne ofrojmë, vendosëm ta zgjerojmë projektin e biletarisë elektronike, duke u krijuar mundësinë vizitorëve në përgjithësi dhe në mënyrë të veçantë operatorëve turistikë, të blejnë biletën ONLINE.
Biletaria ONLINE është një nga projektet tona më INOVATORE në fushën e trashëgimisë kulturore, pasi aplikohet për herë të parë në Shqipëri, pavarësisht se është një praktikë e njohur botërisht”, shprehet ministrja e Kulturës, Elva Margariti.
Ky projekt, i cili vjen në përputhje me vizionin e Ministrisë: Artet dhe trashëgimia kulturore e Shqipërisë, si forcë shtytëse për zhvillimin e qëndrueshëm ekonomik dhe shoqëror të vendit”, përmban dy komponentë të rëndësishëm:
Ndërtimi i platformës cultureticketsalbania.al, i cili reklamon 10 sitet e trashëgimisë, për të cilat do u vendos shërbimi i biletës online.
Krijimi i Dyqanit Online
“Mendoj se shërbimi i ri, Bileta ONLINE do të jetë një ndihmë, sidomos ndaj operatorëve turistikë, të cilët hasin vështirësi jo vetëm gjatë prerjes së biletës në sportele për grupet e operatorëve, por edhe për të bërë një transparencë për financat e tyre, shprehet Margariti.
