Këshilltari për Mediat i Kryetarit të Grupit Parlamentar të Partisë Socialiste, Taulant Balla, Besian Ajazi ka reaguar ndaj deklaratës së sotme të zëdhënësit të Presidentit.
Në reagimin e tij, Këshilltari për Mediat i Kryetarit të Grupit Parlamentar të PS-së, Besian Ajazi shpreh keqardhjen për gjuhën e përdorur në mënyrë në mënyrë të vazhdueshme të zëdhënësit të Presidentit, Tedi Blushi.
Ai gjithashtu ka publikuar dhe një foto të Presidentit Ilir Meta në Vilën “Golden” në Shijak, e sekuestruar nga OFL, në pronësi të grupit kriminal “Hajri”.
“Më vjen keq për gjuhën që përdor në mënyrë të vazhdueshme zëdhënësi i Presidentit, ish-kolegu im Tedi Blushi dhe shpërdorimin e tij nga ana e Presidentit apo kushdo që i shkruan.
Zoti President nëse sjellja juaj në këto kohë vjen nga dhimbjet që po shkakton OFL në botën e krimit atëherë po të themi mirë është të mos merresh me Hajrin se nuk ke për të bërë kurrë hajër”, deklaron Ajazi.
Zëdhënësi i presidentit Meta, Tedi Blushi reagoi pas deklaratës së kreu të grupit parlamentar të PS-së, Taulant Balla duke theksuar se “duhet të dëgjojë zërin e popullit, pasi ai është dhe zëri i Zotit”.
“Të duket vetja i fortë ngaqë rri me çuna problematikë, por lutju Zotit që të mos kthehet i gjithë populli në “problematik”, u shpreh Blushi.
Sa për foton, shprehet ai, bie erë inceneratorësh kjo flluskë e mjerë! Por mos humb më asnjë sekondë! Çoje direkt drejt SPAK-ut ta sqarojnë ata, meqë u jep edhe direktiva publike”. /ATSH