Presidenti Ilir Meta ka lajmëruar se do të mbajë një konferencë për mediat sot në orën 13:15. Ende nuk dihet se cila do të jetë tema e diskutimit, por pritet të ketë lidhje me situatën aktule dhe politike në vend.
Kujtojmë se një javë më parë, Presidenti mbajti një deklaratë nga oborri i presidencës ku bëri publike 14 pikat që u ka prezantuar në një platformë për daljen nga kriza ambasadorëve. Nuk la pa përmendur shembjen e Teatrit Kombëtar, të cilën e quajti ngjarje shokuese që tronditi opinionin publik.
Meta shtoi se në pozicionin e tij si kreu i shtetit ka bërë gjithçka që palët të dialogojnë dhe të ecet përpara me Reformat në vend. Një temë e nxehtë në vend mbetet Reforma Zgjedhore, për të cilën u mbajt një mbledhje prej katër orësh ditën e djeshme, ndërsa Këshilli Politik u mblodh sërish sot në orën 11:00.
