Një nga historitë e dashurisë që u krijua brenda spektaklit “Big Brother Vip Albania” dhe që vazhdon më mirë se kurrë edhe jashtë është ajo mes Einxhel Shkirës dhe Dj Dagz.
Duket se lidhja e tyre po shkon shumë mirë dhe shpesh here nuk kursejnë postimet në rrjetet e tyre sociale për të na treguar se sa të lumtur janë me njëri-tjetrin.
Së fundmi Eixhel ka postuar në ‘Instagram’ një pjesë nga biseda me ndjekëset e saj, të cilat janë tashmë si një ‘GPS’ ndaj partnerit të saj të zemrës duke i treguar moderatores kudo ku e shikojnë madje edhe duke prishur surprizat që Dagz bën për Einxhelin. Epo të gjitha gocat do të donin ta kishin këtë mundësi për partnerët e tyre.
Einxhel ka postuar një video ku duket Dagz tepër i fokusuar në telefon dhe partnerja e tij na zbulon se cfarë po sheh me aq vëmendje. Mesa duket ‘fiksimi’ i Dagz qenka të shohë video-t e postuara në Instagram.
Para pak javësh, Einxhel dhe DAGZ kanë postuar disa video ku na kanë zbuluar se ky i fundit ka prezantuar familjarët e tij me partneren e zemrës. Takimi mes tyre është bërë në një restorant dhe nuk kanë ngurruar të ndajnë me ne pamjet më të bukura që na tregojnë se gjërat mes dyshes po bëhen shumë serioze dhe shumë shpejt mund të dëgjojmë për një hap më shumë mes tyre.
