Një aksident është shënuar në rrugën e ‘Bishtit të Kalldrëmit’ në Vlorë, ndërsa burime bëjnë me dije se një makinë ka përplasur një fëmijë.
Mësohet se fëmija identiteti i të cilit ende nuk është zbuluar është dërguar me urgjencë drejt spitalit ndërsa mësohet se fatmirësisht ndodhet jashtë rrezikut për jetën.
Ai ka ka thyer njërin krah ndërsa ka marrë edhe dëmtime të lehta në trup, teksa ndodhet nën kujdesin e mjekëve.
Makina që ka shkaktuar aksidentin është tip “Audi” ndërsa drejtuesi i mjetit pasi ka shkaktuar aksidentin është larguar nga vendi i ngjarjes pa i dhënë as ndihmën e parë fëmijës.
Policia dhe grupi hetimor kanë mbërritur në vendin ku është regjistruar aksidenti ndërsa kanë nisur hetimin për shkaqet dhe rrethanat e ngjarjes, si dhe zbulimin e gjurmnëve që do të çonin drejt identifikimit dhe kapjes e drejtuesit të mjetit.
