Kjo eshte makina e biznesmenit Alban Luka i cili u sulmua me arme diten e sotme ne Shkoder.
Ngjarja e rëndë është regjistruar mëngjesin e sotëm në Shkodër, por fatmirësisht nuk raportohet për viktima.
Rreth orës 06:00 të mëngjesit dy persona të maskuar me një motoçikletë kanë kërcuar dhe qëlluar me armë shtetasin Alban Luka, më konkretisht në afërsi të fshatit Daragjat.
Nga vendngjarja burimet bëjnë me dije se dy personat në fjalë i kanë bërë pritë Lukës, i cili po udhëtonte me një mjet tip Benz.
Sipas dëshmisë së dhënë nga Luka në polici, autorët e kanë ulur në gjunjë drejtuesin e mjetit duke e kërcënuar dhe pastaj kanë qëlluar me automatik drejt ‘Benzit’.
Policia po punon për identifikimin e autorëve të kësaj ngjarje të rëndë në Shkodër e cila rikthen maskat.
