Daniele De Rossi, luajti mbrëmë ndeshjen e tij të fundit me ekipin e zemrës dhe jetës, Romën. Pas 18 vitesh karrierë me verdhekuqtë e kryeqytetit italian, me të cilët zhvilloi më shumë se 600 ndeshje, 35-vjeçari thotë “lamtumirë”.
Emocione të jashtëzakonshme, lot në sytë e tifozëve, trajnerit Claudio Ranieri dhe vetë futbollistit, që ia kushtoi tërë karrierën (e deritanishme) skuadrës së zemrës. Nuk mungoi as përqafimi mallëngjyes për këdo me kapitenin tjetër legjendë të klubit roman, Francesco Totti.
Gjithçka mund ta shihni në këtë video që vetë verdhekuqtë kanë shpërndarë, me momentet më prekëse dhe emocionuese nga mbrëmja e së dielës së 26 majit 2019.
