Kryeministri Edi Rama dhe ministrja e Shëndetësisë Ogerta Manastirliu kanë vizituar ambientet e spitalit të Covid-3 të ngritur në ambientet e rehabilituara të ish-Urgjencës në QSUT.
Këtë javë do të hapet spitali COVID 3 dhe COVID 4.
Spitalet kanë një kapacitetet prej 150 shtretësh, ku siç ka njoftuar ministria e Shëndetësisë të gjithë mjekët janë trajnuar fillimisht.
“Spitalet e reja janë gati tashmë. Ne kemi rekrutuar stafet dhe ata janë në gatishmëri në këtë luftë për jetën”, – tha Rama.
Ministrja Ogerta Manastirliu u shpreh:
“Ne kemi shtuar kapacitetet. Janë shtuar shtretërit. Ka edhe një sasi të reaminacionit, nëse do të ketë nevojë. Kemi edhe infermier të trajnuar prej së paku 3 muajsh. Edhe mjekët janë trajnuar”.
Lidhur me hapjen e spitaleve, shefja e Spitalit Infektiv, Najada Como tha se “është instaluar oksigjeni në çdo shtrat. Janë trajtuar burimet njerëzorë, mjekët dhe infermierët. Kemi mjek infeksionistë, reanimatorë dhe mjekë të specialiteteve të tjera”.
