Mbrëmjen sotme është “prime” i Big Brother Vip Albania, ku pritet të shoqërohet me debate, supriza, por dhe eliminime. Nga ajo që kemi kuptuar nga promoja është se do diskutohet mbi ndarjen e banorëve në dy grupe, por dhe romanca mes Kiarës dhe Luizit, teksa dhe një prej banorëve do të eliminohet nga gara.
Në nominim janë Olta, Luizi, Kristi, Efi dhe Ronaldo, ku njëri prej tyre do të lërë shtëpinë. Në median rozë po aludohen dhe emrat e dy personazheve të rinj që pritet t’i bashkohen sot shtëpisë më të famshme në Shqipëri.
Bëhet fjalë për Valbona Mema, këngëtarja e mirënjohur e muzikës popullore, si dhe Xhonatan Islami, djali i parashutistit Alket Islami. Mbeten për t’u parë nëse do të futen sot ose jo.
Mbrëmjen e sotme do të diskutohet gjithashtu mbi banorët që janë ankuar këto ditë për produksionin.
