KUKËS- Ndalohet një kosovar i shpallur në kërkim, i dënuar me 1 vit e 8 muaj burg, për mashtrim.
Personi me iniciale I. S., 46 vjeç, banues në Prishtinë, Kosovë është arrestuar në hyrje të Pikës së Kalimit Kufitar të Morinës.
Gjatë përpunimit dhe verifikimit të të dhënave në sistem, ky shtetas rezultoi person në kërkim kombëtar, pasi Prokuroria pranë Gjykatës së Shkallës së Parë Kukës ka dërguar urdhrin për ekzekutimin e vendimit penal të Gjykatës së Shkallës së Parë Kukës, lënë në fuqi nga Gjykata e Apelit Shkodër, e cila e ka dënuar me 1 vit e 8 muaj burg, për veprën penale “Mashtrim”.
