Klea Huta është një nga personazhet më të dashur të ekranit shqiptar.
Moderatorja është shumë aktive edhe në rrjetin e saj social Instagram. Së fundmi, Klea Huta u është përgjigjur disa prej pyetjeve të ndjekësve të saj në rrjetin social duke realizuar një të ashtuquajtur ‘intervistë virtuale’.
Ajo çka ra në sy më shumë gjatë kësaj mini-interviste ishte pyetja në lidhje me kunatin e saj, vëllain e Elgit Dodës. Këngëtarja dhe moderatorja u shpreh më fjalë të tjera që Laerdi është si një vëlla për të.
“Ai nuk është vëllai i Elgitit, është vëllai im,”-është përgjigjur Klea.
Ju kujtojmë që mes të tjerash ajo është pyetur edhe se cila është keqardhje a pendesa më e madhe në jetë, për të cilën u përgjigj: “Që nuk kam studiuar jashtë vendit asnjëherë. Kush e ka mundësinë thjesht të ikë“. Klea ka shkruar më pas se vendi më i mirë sipas saj për të vijuar studimet është Spanja, shtet me të cilin paska lidhje të ngushtë pasi shprehet se: “Mendoj se kam jetuar atje në të shkuarën”.
Aktualisht Klea është fokusuar te jeta personale dhe biznes. Projekti i saj i fundit në ekran ishte “Këngë moj” ndërsa në botën e kinematografisë seriali “H.O.T”.
