Ambasadorja e SHBA, Yuri Kim ka theksuar sot rëndësinë e qëndrimit në shtëpi si dhe ka vlerësuar sot punën e mjekëve dhe të ministres Ogerta Manastirliu
Ambasadorja e Shteteve të Bashkuara në Tiranë, Yuri Kim ka zhvilluar sot një bisedë online me ministren e Shëndetësisë dhe Mbrojtjes Sociale, Ogerta Manastirliu.
Në qendër të diskutimeve ka qenë lufta ndaj pandemisë së koronavirusit.
Kim ka përgëzuar ministren Manastirliu dhe mjekët për punën e deritanishme. Kim gjithashtu ka dhënë edhe një mesazh për shqiptarët, që të vazhdojnë të qëndrojnë në shtëpi.
“Fola me Ministren e Shëndetësisë Ogerta Manastirliu (përmes videos) për ta falenderuar atë dhe punonjësit e sistemit shëndetësor shqiptar për luftën ndaj koronavirusit. E rëndësishme është për këdo që të vazhdojë të qëndrojë në shtëpi! (Foto kur u takuam në Shkurt)”, shkruan ambasadorja Kim.
