Sabiani ka qenë i ftuar në “Më lër të flas” ku është ballafaquar për herë të parë me Monikën, me të cilën duket se marrëdhëniet nuk i ka rregulluar. Përveç kësaj këngëtari foli dhe për jetën e tij pas daljes nga Big Brother Vip dhe kontakteve me konkurrentët.
Sabiani u shpreh se të gjithë i kanë dalë ndryshe nga çfarë janë shfaqur brenda shtëpisë dhe nuk ka përjashtuar nga ky grup as Ilirin. Ndërsa publiku ka këmbëngulur të dijë nëse ruan apo jo marrëdhënie me fituesin e BBV, ai theksoi se “nuk do ta merrni vesh kurrë” duke qeshur.
Pyetur se kush ka përfituar më shumë nga karakteri i tij i butë, Sabiani u përgjigj: “Vëllai im Iliri ka përfituar më shumë”.
Ndërkohë Iliri duket se i ka kthyer përgjigje në mënyrë indirekte kësaj deklarate duke postuar një foto me një majmun dhe me mbishkrimin “E ka bërë për mua”.
