Grupi parlamentar demokrat shkarkon Rudina Hajdarin si kryetare.
Myslim Murrizi është zgjedhur si kryetari i ri i grupit demokrat.
Rudina Hajdari është edhe pjesë e këshillit politik të Reformës Zgjedhore.
Sot, deputeti Ralf Gjoni paralajmëroi largimin e deputetes Hajdari nga ky këshill.
Kjo është hera e dytë që Grupi i Demokratëve ndërmerr nismën për të larguar Hajdarin dhe me gjasa kësaj herë është përfundimtare.
Herën e parë deputetët u tërhoqën nga vendimi i tyre, pasi ligjvënësit e djathtë u përçanë me njëri-tjetrin, duke u ndarë në dy grupime.
Vendimi vjen një ditë pasi, Rudina Hajdari ka ashpërsuar tonet ndaj PS, PD dhe LSI në tryezën e Reformës Zgjedhore.
