Reperi i dashur për publikun, Getoar Selimi, feston sot 38-vjetorin e lindjes. E bashkëshortja e tij, moderatorja Marina Vjollca e ka surprizuar atë menjëherë sa sapo ka hyrë data 3.
Getoari ka zbuluar përmes një video në “Instagram” se Marina i kishte bërë dhuratë një tortë të veçantë.
Në të shfaqet Geti i mbështetur në një shishe shampanje me gotën në dorë, një pamje gati e njëjtë me atë që shfaqet në klipin e ri me Majk. Ndërkohë në tortë shkruhet titulli i këngës “Je t’aime” dhe urimi i ëmbël “edhe 100 dashuri”!
Ndërkohë Getoari shkruan krahas videos që mori mijëra pëlqime dhe urime: “Faleminderit për këtë tortë të mrekullueshme dashuria ime”.
Ndërsa vetë Marina në profilin e saj në “Instagram” ka publikuar një foto të bashkëshortin dhe shkruan: “Gëzuar ditëlindjen bashkëshorti im i dashur, heroi im, mashkulli im i bukur. Doja të të uroja më të mirat, por ti tashmë më ke mua. S’ka nevojë”.
“Jam me fat”, ia i komenton Getoari. Më pas Geti ka publikuar edhe pamjet e një ambienti të arreduar me tullumbace dhe zemra të kuqe, që me sa kuptojmë është pjesë e surprizës që i organizoi Marina!
