Gashi, reperi shqiptar i cili jeton dhe vepron në Amerikë, po ngjitet fuqishëm në skenën e muzikës botërore. Albumi i tij më i ri i titulluar “Gashi” e që përfshinë 16 këngë ishte një tjetër vulë suksesi për të.
Këtë album ai e pasoi me një video dukë shfaqet i ulur në një karrige teksa rrëfen për projektet, vështirësitë në karrierë e prejardhjen të cilën nuk harron ta potencojë gjithmonë.
Këtë video të cilën e ka shpërndarë në Instagram, ai e përcjell me një mesazh për fansat.
“Kurrë mos harroni nga vini”, shkruan artisti.
Gashi ka lindur në Libi nga prindër me origjinë nga Kosova, ndërsa karrierën e ka ndërtuar në SHBA. Performanca e tij këtë vit në festivalin “Sunny Hill”, u mirëprit jashtëzakonisht mirë.
