Që prej muajit mars, kjo është fundjava e parë e parë e lehtësimit të masave të marra brenda zonave të kuqe, ku të gjithë qytetarët mund të dalin dhe pa kufizime oraresh.
Sot të gjitha bizneset do të jenë të hapura pa asnjë kufizim, si dhe lokalet e restorantet. Siç lajmëroi një ditë më parë Ministria e Shëndetësisë, i vetmi kufizim do të jetë lëvizja e qytetarëve nga zonat e kuqe drejt zonave të gjelbra deri të hënën e 1 qershorit, kur do të hiqet edhe ky kufizim.
Po të hënën e 1 qershorit do të hapen edhe kufijtë tokësorë me vendet fqinje, çerdhet e kopshtet, kampionatet sportive pa praninë e publikut, parqet, qendrat e formimit arsimor, kulturor, qendrat e internetit dhe palestrat sipas protokolleve të sigurisë.
Prej 1 qershorit edhe plazhet do të hapen, por vetëm për hotelierët, ndërsa për të gjithë qytetarët nga data 6. Mbetet ende mbyllur transporti publik, për të cilin po hartohet një protokoll i veçantë me Ministrinë e Transporteve.
