Enca ka disa vite që është pjesë e tregut muzikor shqiptare dhe që në fillimet e saj diferencoi për stilin e veçantë. Ajo ka treguar se nuk i pëlqen të qëndrojë brenda rregullave, prandaj fansat e saj e kanë pëlqyer gjithmonë për këtë fakt. Ata që e kanë ndjekur që në hapat e parë të karrierës i kanë dedikuar jo pak dhurata, të cilat Enca i ka ruajtur të gjitha me kujdesin më të madh. Ditën e sotme këngëtarja ka publikuar në ‘Instagram’ një video në të cilën tregon se në disa kuti të mëdha kartoni ka koleksionuar çdo dhuratë, madje edhe letrat më të vogla apo pikturat e shumta të ndjekësve të saj. “Kam ruajtur çdo dhuratë të vogël të fansave”, ka shkruar Enca bashkangjitur videos.
Duke qenë se është e pamundur të ruhet çdo dhuratë aq më tepër kur janë kaq të shumta në numër, me siguri fansat e këngëtares duhet ta vlerësojnë shumë këtë gjest të sajin. Kujtojmë se Enca është mjaft aktive me projektet e saj muzikore dhe se së fundmi ka publikuar këngën më të re “Hajde”.
