Autoritetet italiane kanë dënuar me 4 vite e gjysmë burg një shqiptar të akuzuar për tentativë vrasjeje në bashkëpunim me disa persona të tjerë.
Mediat vendase shkruajnë se ai është Giordano Bogdani, banues në Altopascio, që në vitin 2016 tentoi të vrasë një 23-vjeçar nga Rumania.
Si nisi konflikti:
Faktet u rindërtuan nga Njësia Hetuese e komandës provinciale të Karabinierëve të Luças, të cilët zbuluan se mosmarrëveshja mes të rinjve filloi në WhatsApp, midis djalit rumun dhe shqiptarit Oltian Cepa.
Ky i fundit kishte dërguar shprehje ofenduese kundër një vajze, që ishte në grupin e ekspeditës dhe për këtë ai ishte përjashtuar nga grupi nga 23-vjeçari rumun, që ishte edhe administratori i grupit në WhatsApp.
Pakënaqësia e shqiptarëve arriti deri në përplasjen fizike. Çepa dhe rumunët, në orën 18.30 më 7 shkurt, organizuan takimin në Altopascio.
Çepa, me vëllain e tij Landi dhe pesë të rinj të tjerë, mbërriti në takim me një kaçavidë dhe me thikë, dhe pasi e identifikuan viktimën e sulmuan brutalisht.
Të tre rumunët u plagosën, por më serioz ishte 23-vjeçari goditur në ballë me kaçavidë.
