Në kuadër të Paktit për Universitetin, Ministria e Arsimit dhe Sportit, përpos përmbushjes së 8 kërkesave të adresuara nga studentët ka shkuar më tej. Një sondazh kombëtar për të gjithë studentët është hapur ku çdo student mund të plotësojë pyetësorin dhe vlerëson në këtë mënyrë Universitetin ku studion.
Ky sondazh i hapur nga Ministria duket se ka dhënë rezultate të frytshme. Kleita është një studente që ka arritur të plotësojë pyetësorin dhe tregon eksperiencën e saj mbi pyetjet që përmbante ai.
Siç shihet edhe nga prononcimi i saj në videon e mëposhtëme, Kleita shprehet se kjo nismë e Ministrisë së Arsimit dhe Sportit është shumë e mirë dhe se më në fund zëri i studentëve po dëgjohet. “Tashmë çdo student ka një zë ku mund të flasë dhe ta dëgjojnë”, është shprehur ndër të tjera ajo.
Statusi i plotë:
Kleita ka plotësuar pyetësorin që vlerëson universitetin e saj dhe ndihet që zëri i saj u dëgjua.
Nëse je student, ndaj dhe ti 15 minuta për t’u bërë pjesë e këtij procesi vendimmarrjeje duke shprehur vullnetin tënd në pyetësor.
#SondazhiKombëtarStudentor.
